सिन्धुली होटेल ढिँडो सर्भिसमा बेश्यावृत्ति, दुई जना पक्राउ

काठमाडौं । भक्तपुरको मध्यपुर थिमी नगरपालिका–१ मनोहरा–जडिबुटीमा सञ्चालित सिन्धुली होटेल ढिँडो सर्भिस एण्ड गेष्ट हाउसमा बालिकाहरूलाई बेश्यावृत्तिमा लगाउने दुई जना पक्राउ परेका छन् ।

पक्राउ पर्नेहरूमा सिन्धुली हरिहरपुर गाउँपालिका–१ घर भएका ३३ वर्षीय बीरबहादुर सिंतान र २५ वर्षीय सुबिलाल सिंतान छन् ।

उनीहरूले सिन्धुली होटेल ढिँडो सर्भिस एण्ड गेष्ट हाउसमा बालिकाहरूलाई राम्रो आम्दानी हुने काममा लगाइदिने प्रलोभनमा पारी गेष्ट हाउसमा आएका ग्राहकहरूसँग शारीरिक सम्पर्क राख्न लगाई बेश्यावृत्तिमा लगाएको प्रहरीले बताएको छ ।

प्रहरीले उक्त गेष्ट हाउसबाट तीन जना बालिकालाई उद्दार पनि गरेको छ ।