सेनाले टुँडिखेलमा फूलपाती बढाइँ गर्दै

काठमाडौं । आज शनिबार नेपाली सेनाले सैनिक मञ्च टुँडिखेलमा फूलपाती बढाइँ आयोजना गरेको छ । हरेक बर्ष आयोजना गर्ने कार्यक्रमलाई यो वर्ष पनि सेनाले निरन्तरता दिएको छ ।

राष्ट्रपति सहभागी हुने कार्यक्रममा सैनिक हेलिकप्टरद्वारा पुष्पवृष्टि गरिनुका साथै सेनाले परेड प्रस्तुत गर्ने छ । फूलपाती बढाइँ भएकाले राइफलबाट लहरे र एकट्ठा तथा तोपबाट बढाइँ गरिने भएको छ । परेडमा दुर्गायन्त्रको चिह्न बनाएर प्रस्तुत गरिनेछ ।

गोर्खाबाट ल्याइएको जमरा र फूलपाती हनुमान ढोकाको दसैँ घरमा भित्र्याउने साइत मिलाएर टुँडिखेलमा फूलपाती बढाइँ गरिन्छ ।