रेड नोटिस जारी भएका फरार प्रतिवादी कुवेतबाट पक्राउ

कर्णाली । मानव बेचबिखन तथा ओसारपसार मुद्दामा इन्टरपोलबाट रेड नोटिस जारी भएका फरार प्रतिवादी कुवेतबाट पक्राउ परेका छन् ।

भेरीगङ्गा नगरपालिका–२ सप्तरी समझीङ्गाका ३९ वर्षीय कृष्ण सुनारलाई पक्राउ गरिएको सुर्खेत जिल्ला प्रहरी कार्यालयका प्रवक्ता मोहनजङ्ग थापाले जानकारी दिए । उनका अनुसार फरार प्रतिवादी सुनारले २०७२ साल असार २७ गते पीडित परिवर्तित नाम ६४ वीरेन्द्रनगर क ८ लाई विवाह गर्छु भनी विभिन्न किसिमको प्रलोभनमा पारी भारतको हिमाञ्चल प्रदेशको सिम्लामा लगी बेचबिखन गरेको भनी पीडितले जिल्ला प्रहरी कार्यालयमा मुद्दा दिएकी थिइन् ।

उनले भने, “सुर्खेत प्रहरीमा जाहेरी दर्ता भएपश्चात प्रतिवादी सुनार फरार भएपछि उक्त मुद्दामा पक्राउ पुर्जी जारी भई अन्तरराष्ट्रियस्तरमा खोजतलासका लागि इन्टरपोलबाट रेड नोटिस जारी भएको थियो ।” उनलाई एनसिबी नेपाल र एनसिबी कुवेतको समन्वयमा कुवेतबाट पक्राउ गरी नेपाल प्रहरी प्रधान कार्यालय अपराध अनुसन्धान विभाग ९इन्टरपोल महाशाखा० काठमाडौँमार्फत बिहीबार सुर्खेत प्रहरी कार्यालयमा ल्याएर मानव बेचबिखन तथा ओसारपसार मुद्दामा सुर्खेत जिल्ला अदालतबाट म्याद थप गरी अनुसन्धान भइरहेको प्रवक्ता बुढथापाले बताए ।

Shorts

लुम्बिनी क्षेत्रमा सञ्चालित दर्जन उद्योग दुईवर्षभित्र स्थानान्तरण गर्नुपर्ने

आयो फोहोर व्यवस्थापन एप

आईटी क्षेत्रका जनशक्तिलाई दुई लाखसम्म तलब

अर्थमन्त्री पौडेल र चिनियाँ मन्त्रीबीच रसुवा नाकाको संरचना पुनर्निर्माणबारे छलफल

श्रीनगर एग्रीटेक इन्डष्ट्रिजको आईपीओ निष्काशन

उखु किसानलाई अनुदान निकासा

आजदेखि भारतमाथि ५० प्रतिशत अमेरिकी कर लागू

४ वर्षमा नेपालले बेच्यो ४९ अर्बको बिजुली

घट्यो घरजग्गा कारोबार

जग्गा विकास भवन निर्माणसँग सम्बन्धित कम्पनीले कर्जा पुनर्तालिकीकरण गर्न पाउने