बिहीबार, जेठ २२, २०८२
कर्पोरट खबर
2:17 pm, मंगलबार, जेठ २०, २०८२
काठमाडौं । वैदेशिक रोजगारीमा आकर्षक तलबको प्रलोभनमा पारी क्रोएसिया पठाइदिन्छु भन्दै रकम ठगी गरेको अभियोगमा एक जनालाई प्रहरीले पक्राउ गरेको छ ।
पक्राउ पर्नेमा काठमाडौं कागेश्वरी मनोहरा नगरपालिका–१ घर भइ ललितपुर महालक्ष्मी नगरपालिका–५ बस्र्दै आएकी ३५ वर्षीया मेनुका पुडासैनी छिन् । उनलाई शनिबार प्रहरीले पक्राउ गरेको हो ।
मेनुकाले क्रोएसिया पठाइदिन्छु भन्दै एक जना पीडितबाट १९ लाख रूपैयाँ लिई सम्पर्कबिहीन भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई ललितपुर महालक्ष्मी नगरपालिका–५ बाट पक्राउ गरेको हो ।
उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।
FACEBOOK COMMENTS