एशियन थाई फुड्सले बजारमा ल्यायो ‘डेभिल्स हट चिकेन नुडल्स’

काठमाडौं । एशियन थाई फुड्सले ‘डेभिल्स हट चिकेन नुडल्स’ सार्वजनिक गरेको छ ।

काठमाडौंमा पत्रकार सम्मेलन गरि उक्त नुडल्स नेपाली बजारमा आउन लागेको जानकारी गराएको हो । नुडल्स सोमबार देखि बजारमा उपलब्ध हुनेछ । नेपालमा नुडल्सप्रेमीहरूका लागि यो खुसीको खबर भएको कम्पनीले जनाएको छ ।

२५ वर्षदेखि नेपाली बजारमा आफ्नो पहिचान बनाइसकेको र ३० भन्दा बढी देशमा निर्यात गर्ने एशियन थाई फुड्सले यो उत्पादनलाई नेपालकै सबैभन्दा स्वादिलो र मसालेदार नुडल्सका रूपमा प्रस्तुत गरेको हो ।

कम्पनीका अनुसार, यो नुडल्स तीव्र र सन्तुलित मसालाको संयोजन हो, जुन खानेबित्तिकै ‘डेभिलीसिअस’ स्वादको अनुभूति दिन्छ ।

यो साधारण नुडल्स होइन, कम्पनीका व्यवस्थापकीय निर्देशक आशिष जाजुले भने, ‘यो स्वादको साहसिक यात्रा हो – त्यो पनि सन्तुलित तर बिर्सन नसकिने स्वादका साथ आएको छ ।’

व्यवस्थापकीय निर्देशक महेश जाजुले यो उत्पादनलाई कम्पनीको आईपीओ तयारीसँग जोडिएको र नवप्रवर्तनको संकेत पनि भएको बताए ।
उनले भने, ‘हामी नेपाली ग्राहकको स्वादलाई बुझेर त्यहीअनुसार नविनता ल्याउन प्रतिबद्ध छौं ।’

डेभिल्स हट चिकेन नुडल्सको मूल्य ५० रुपैयाँ तोकिएको छ भने ५ प्याकेटको फ्यामिली प्याक २५० मा उपलब्ध हुनेछ ।

विशेष कुरा त के छ भने, प्रत्येक प्याकमा एक चकलेट वेफर पनि राखिएको छ जसले तातो मसालेदार स्वादपछि मिठासको स्वद दिन्छ । यो नुडल्स अब भाटभटेनी लगायतका प्रमुख खुद्रा स्टोरहरू र दराज जस्ता अनलाइन प्लेटफर्महरू मार्फत नेपालभर उपलब्ध हुनेछ ।

राजधानीदेखि मुख्य सहरसम्मका उपभोक्ताहरूले सजिलै पाउन सक्ने गरी वितरण व्यवस्था मिलाइएको कम्पनीले जनाएको छ ।

एशियन थाई फुड्सले नेपाली स्वादलाई अन्तर्राष्ट्रिय मञ्चमा पुर्‍याउँदै आएको छ । नेपाली बजारमा मौलाउँदै गएको मसालेदार स्वादप्रतिको मोहलाई मध्यनजर राख्दै ल्याइएको यो उत्पादनले युवादेखि परिवारसम्मले रुचाउने अपेक्षा राखिएको छ ।