सोमबार, भदौ २, २०८२
कर्पोरट खबर
12:45 pm, सोमबार, भदौ २, २०८२
काठमाडौँ । अष्ट्रेलियाको एक अदालतले कोभिड–१९ महामारीको समयमा १८२० भन्दा बढी ग्राउन्ड कामदारहरूलाई गैरकानूनी रूपमा बर्खास्त गरेकोमा क्वान्टास एयरलाइन्सलाई ५ करोड ९० लाख डलर जरिवाना गरेको छ ।
अष्ट्रेलियाली यातायात मजदुर संघले यो निर्णयको स्वागत गरेको छ र यो फेयर वर्क ऐन अन्तर्गत अष्ट्रेलियाली कम्पनीमाथि लगाइएको अहिलेसम्मकै सबैभन्दा ठूलो जरिवाना भएको बताएको छ ।
संघीय अदालतका न्यायाधीश माइकल लीले यो सजायले अन्य कम्पनीहरूको लागि उदाहरण स्थापित गर्ने बताएका छन् । क्वान्टास एयरलाइन्स जरिवाना तिर्न सहमत भएको छ ।
कम्पनीले स्वीकार गरेको छ कि यो निर्णयले कर्मचारीहरूलाई हानि पुर्याउने कार्यहरूको लागि जवाफदेही बनाएको छ । क्वान्टास समूहका सीईओ भेनेसा हडसनले भनिन्– ’हामी १८२० ग्राउन्ड ह्यान्डलिंग कर्मचारीहरू र उनीहरूका परिवारहरूप्रति माफी चाहन्छौं, जसले दु:ख भोग्नु परेको थियो ।
FACEBOOK COMMENTS