अटो पत्रकार संघको पहिलो वार्षिक साधारणसभा सम्पन्न

काठमाडौं । अटो पत्रकार संघ (जाम) नेपालको पहिलो वार्षिक साधारणसभा सम्पन्न भएको छ । काभ्रेको मनौतीमा शनिबार संस्थाका अध्यक्ष उज्ज्वलजंग शाहको अध्यक्षतामा कार्यक्रम सम्पन्न भएको हो ।

सो अवसरमा संस्थाको पहिलो स्थापना दिवससमेत मनाइएको छ ।

कार्यक्रममा बोल्दै संस्थाका अध्यक्ष शाहले अटो पत्रकारितामा सक्रिय पत्रकारहरुलाई संस्थागत गर्न जाम नेपालको स्थापना भएको बताउँदै अटो पत्रकारिताको विकासमा संस्थाले काम गर्दै अगाडि बढ्ने धारणा राखे ।

कार्यक्रममा संस्थाका उपाध्यक्ष सुरेन्द्र पौडेल, महासचिव सागर गजुरेल, सचिव तोयाराज पौडेललगायतले बोलेका थिए । साधारणसभाले महासचिव र कोषाध्यक्षको प्रतिबेदन सर्वसम्मत पारित गरेको छ ।

त्यस्तै, संस्थाले आगामी दिनमा सदस्यता वृद्धिसँगै अन्य वार्षिक कार्यक्रम तय गर्ने महासचिव गजुरेलले जानकारी दिए ।