भक्तपुरमा आठ वर्षीया बालिका बलात्कृत, गागलफेदीका लामा पक्राउ

भक्तपुर । भक्तपुरमा आठ वर्षीया बालिका बलात्कृत भएकी छिन् ।

ती बालिकालाई बलात्कार गरेको अभियोगमा काठमाडौं शंकरापुर नगरपालिका–१ गागलफेदी घर भएका २९ वर्षीय निरोज लामालाई बुधबार प्रहरीले पक्राउ गरेको छ ।

भक्तपुर नगरपालिका–६ नगरकोट बेसीटोल बस्ने लामाले ती बालिकालाई जबरजस्ती करी गरेको सूचनापछि प्रहरी प्रभाग खरीपाटीबाट खटिएको प्रहरीले उनलाई पक्राउ गरेको प्रहरीले जनाएको छ ।

घटना सम्बन्धमा प्रहरीले थप अनुसन्धान गरिरहेको बताएको छ ।