बालेनको दाबी :अभियन्ताहरूले वार्ता गर्ने खोजेनन्

काठमाडौँ । काठमाडौँ महानगरपालिकाका मेयर बालेन्द्र शाहले आफ्नो कार्यालय अगाडि प्रदर्शन गरिरहेका अभियन्ताहरूलाई आफूले संवादका लागि बोलाए पनि नआएको दाबी गरेका छन् ।

 

अभियन्ताहरूले राष्ट्रिय सभा गृहअगाडि गत मङ्गलवार देखी आन्दोलन सुरु गरेको हो । चुनावको समयमा बालेनले प्रतिज्ञा गरे अनुसार सडक विक्रेताहरूका लागि वैकल्पिक व्यवस्था नगरी धरपकडको नीति लिएको भन्दै उनले उभिएर विरोध गर्दै आइरहेका छन् ।

उनीहरुले लामो समय विरोध प्रदर्शन गर्दा पनि मेयर बालेनले आफूहरूको आवाज नसुनेको  आरोप लगाउँदै आएका थिए । तर, मेयर शाहले भने आफू संवादका लागि तयार भए पनि आन्दोलन राजनीतिक स्वार्थसँग जोडिएका कारण अभियन्ताहरू संवादमा नआएको बताएका छन् ।

मेयर शाहले सामाजिक सञ्जालमा लेखेका छन् , ‘विगत केही दिन देखि केही अभियन्ताहरू आन्दोलनमा हुनु हुन्थ्यो , उहाँहरूको कुरा सुन्न उहाँहरू  उभिरहेको ठाउँमा म आफै गएर वार्ता गरौँ यहाँहरूको कुरा र  समस्या सुनौँ  भन्दा अभियन्ताहरू संवादमा बोलाउँदा आउन खोज्नुभएन । लोकतान्त्रिक  अभ्यासमा सबै कुरा समाधान संवादबाट नै हुनुपर्छ भन्ने कुरा हामीले बुझेको छौ , सायद कुनै राजनीतिक स्वार्थ जोडिएर आउन नखोज्नु भएको होला भन्ने हामीले बुझेको छौ  । के वार्ता हामीले उहाँहरूको नेतासँग गर्न पर्ने रु