बंगलादेशमा रोकिएन हिंसा, गोली हानी बीएनपी नेताको हत्या

काठमाडौँ । बंगलादेशको ढाकामा बंगलादेश राष्ट्रवादी पार्टी (बीएनपी) का नेता अजिजुर रहमान मुसाब्बीरको गोली हानी हत्या गरिएको छ । आक्रमणमा उनका साथी अबु सुफियान मसूद गम्भीर घाइते भएका छन् ।

बंगलादेशी मिडियाका अनुसार, घटना गएराति भएको थियो । प्रत्यक्षदर्शीका अनुसार मोटरसाइकलमा आएका अज्ञात आक्रमणकारीहरूले अचानक स्टार कबाब नजिकै गोली चलाएर भागेका थिए । गोली लागेर घाइते भएका मुसाब्बीर र मसूद दुवैलाई अस्पताल लगिएको थियो, जहाँ उपचारका क्रममा उनको मृत्यु भयो ।

अजिजुर रहमान मुसाब्बीर बीएनपीको स्वयंसेवा इकाई, ढाका शहर उत्तर स्वयंसेवक दलका पूर्व महासचिव थिए । उनी पहिले धेरै राजनीतिक मुद्दामा जेल परेका थिए ।
घटनापछि क्षेत्रमा तनाव फैलिएको छ । बीएनपी कार्यकर्ताहरूले विरोध प्रदर्शन गरेका छन् । यो घटनाले फेब्रुअरी १२ मा हुने राष्ट्रिय चुनाव अघि बंगलादेशमा कानून व्यवस्था र राजनीतिक हिंसाको बारेमा चिन्ता बढाएको छ ।

विद्यार्थी नेता उस्मान हादीको गत महिना डिसेम्बर १८ मा गोली हानी हत्या गरिएको थियो । डिसेम्बर १२ मा राजधानी ढाकामा भएको गोली हानीमा हादीलाई गोली हानी गम्भीर घाइते बनाइएको थियो । उनी रिक्सामा सवार हुँदा मोटरसाइकलमा सवार आक्रमणकारीले गोली हानी हत्या गरेका थिए । हादीलाई तुरुन्तै ढाका मेडिकल कलेज अस्पताल लगिएको थियो र पछि उपचारको लागि सिंगापुर रिफर गरिएको थियो । डिसेम्बर १८ मा उनको मृत्यु भएको थियो ।