आज राष्ट्र बैंकले १० अर्ब रुपैयाँ बराबरको विकास ऋणपत्र बोलकबोल गर्ने

---

काठमाडौँ । नेपाल राष्ट्र बैंकले आज १० अर्ब रुपैयाँ बराबरको विकास ऋणपत्र जारी गर्ने भएको छ । सार्वजनिक बोलकबोलमार्फत केन्द्रीय बैंकले ६ वर्षे विकास ऋणपत्र २०८६ ‘छ’ जारी गर्ने भएको हो ।

इच्छुक बैंक तथा वित्तीय संस्था गैर–बैंक वित्तीय संस्था, बीमा कम्पनी, संगठित संस्था तथा नेपाली नागरिकले बिहीबार दिउँसो ३ बजेसम्म आवेदन दिन सक्नेछन् ।

विकास ऋणपत्र साउन १९ गते शुक्रबार जारी हुनेछ । प्रतिस्पर्धी र अप्रतिस्पर्धी दुबै प्रणालीबाट बिक्री हुने विकास ऋणपत्रको कूल रकम मध्ये ८५ प्रतिशत अर्थात् ८ दशमलव ५ अर्ब रुपैयाँ प्रतिस्पर्धा र १५ प्रतिशत ९१ दशमलव ५ अर्ब रुपैयाँ० विना प्रतिस्पर्धा बिक्री गरिने बैंकले जनाएको छ ।

विकास ऋणपत्रको ब्याज भने अर्धवार्षिक अर्थात् ६÷६ महिनामा प्रदान गरिने बैंकले जनाएको छ ।