गरिमा विकास बैंकद्वारा १८औँ वार्षिकोत्सवका अवसरमा १८ सामाजिक कार्यक्रम सम्पन्न

काठमाडौं। गरिमा विकास बैंकले आफ्नो १८औँ वार्षिकोत्सवको अवसरमा देशभर १८ संस्थागत सामाजिक उत्तरदायित्वमूलक कार्यक्रमहरू सम्पन्न गरेको छ। ‘एक्सिस टु अल’ नाराका साथ अगाडि बढेको बैंकले देशका विभिन्न स्थानमा रक्तदान, सामुदायिक सहयोग, र शैक्षिक सामग्री वितरणजस्ता विविध गतिविधि आयोजना गरेको छ।

वार्षिकोत्सवको अवसरमा बैंकले देशभर गरेका मुख्य कार्यक्रमहरू:

देशका विभिन्न सात स्थानमा बृहत् रक्तदान कार्यक्रम सम्पन्न गरी कुल ५६२ युनिट रगत संकलन ।
क) बैंकको प्रधान कार्यालय, लाजिम्पाट, काठमाडौंमा आयोजित रक्तदान कार्यक्रमबाट ७७ युनिट रगत संकलन ।
ख) बैंकको क्षेत्रीय कार्यालय, नारायणगढमा आयोजित रक्तदान कार्यक्रमबाट ७८ युनिट रगत संकलन ।
ग) बैंकको क्षेत्रीय कार्यालय, पोखरामा आयोजित रक्तदान कार्यक्रमबाट १६२ युनिट रगत संकलन ।
घ) बैंकको शाखा कार्यालय, बुटवलमा आयोजित रक्तदान कार्यक्रमबाट ८४ युनिट रगत संकलन ।
ङ) बैंकको क्षेत्रीय कार्यालय, कोहलपुरमा आयोजित रक्तदान कार्यक्रमबाट ६५ युनिट रगत संकलन ।
च) बैंकको शाखा कार्यालय, इटहरीमा आयोजित रक्तदान कार्यक्रमबाट ५९ युनिट रगत संकलन ।
छ) बैंकको शाखा कार्यालय, वीरगञ्जमा आयोजित रक्तदान कार्यक्रमबाट ३७ युनिट रगत संकलन ।

जिल्ला ट्राफिक कार्यालय, पोखरामा ब्रेथलाइजर (अलकोहल डिटेक्सन डिभाइस) र रंगिन प्रिन्टर प्रदान ।
कीर्तिपुर अस्पताल प्रवेश गर्ने स्थान र मूल सडकमा ट्राफिक व्यवस्थापनका लागि ट्राफिक डिभाइडर कोन प्रदान ।
कान्ति बाल अस्पताल, काठमाडौंमा वेटिङ कुर्सी प्रदान ।
बेनी अस्पताल, म्याग्दीमा वेटिङ कुर्सी प्रदान ।
श्री ज्ञानज्योति आधारभूत विद्यालय लल्याङ, स्याङ्जाका विद्यार्थीहरूलाई ट्र्याकसुट (स्कुल ड्रेस) वितरण ।
जानकी मन्दिर जनकपुरधाममा जुत्ता राख्ने र्‍याक प्रदान ।
श्री रामनदीधाम संस्कृत गुरुकुल राम्दी, स्याङ्जामा स्टिल दराज प्रदान ।
मेची आधारभूत विद्यालय, भद्रपुर– ३ झापा, डोलो गाँउ (मेची नदीपारिको गाउँ) मा विद्यार्थीहरूका लागि जुत्ता र मोजा वितरण ।
श्री रम्भादेवी प्राथमिक विद्यालयका विद्यार्थीहरूलाई जाडो मौसमको पोशाक वितरण ।
श्री बाल शिक्षा निकेतन आधारभूत विद्यालय वालिङ– ११, गब्दे, स्याङ्जाका विद्यार्थीहरूलाई ट्र्याकसुट (स्कुल ड्रेस) वितरण ।
साथै, स्वस्थ जीवनशैलीका लागि खेलकुुदु भन्ने नाराका साथ यस बैंकले यही ८ मंसिर अर्थात् भोलि शनिबार ‘गरिमा रोड रेस कम्पिटिसन २०८१ आयोजना गर्दै छ । कीर्तिमानी धावक एवं ओलम्पियन वैकुण्ठ मानन्धरले उद्घाटन गर्ने उक्त प्रतियोगितामा खुल्लातर्फ महिला र पुरुष १० किमि र कर्पोरेटतर्फ महिला र पुरुष ५ किमि दूरीको गरी कुल ४ वटा रोड रेस प्रतियोगिता आयोजना गरिनेछ ।

यस प्रतियोगितामा प्रथम, दोस्रो, तेस्रो, चौथो र पाँचौँ हुने धावकहरूलाई बैंकले क्रमशः ७५ हजार, ६० हजार, ४५ हजार, ३० हजार र १५ हजार नगद पुरस्कार प्रदान गर्ने बताएको छ । खुल्ला र कर्पोरेटतर्फको रोड रेस प्रतियोगितामा करिब ७ सय जनाको सहभागिता रहने बैंकले जनाएको छ ।

बैंकले यस किसिमका सामाजिक उत्तरदायित्वमूलक कार्यक्रमहरूलाई आगामी दिनमा समेत प्राथमिकतामा राखी निरन्तरता दिने तथा रोड रेस प्रतियोगिता प्रत्येक वर्ष आयोजना गर्ने लक्ष्य राखेको जनाएको छ ।