भुपेन्द्र बडुवालको हत्या प्रकरणको अनुसन्धान मा प्रहरीले ग¥यो पेस्तोल बरामद

धनगढी । कैलालीका युवक भुपेन्द्र बडुवालको हत्या प्रकरणको अनुसन्धान गरिरहेको प्रहरीले पेस्तोल बरामद गरेको छ ।

धनगढी १ स्थित सिद्धार्थ होटलबाट ७ राउण्ड गोलीसहित दुई पेस्तोल बरामद गरिएको प्रहरीले जनाएको छ । जिल्ला प्रहरी कार्यालयकाअनुसार बुधबार दिउँसो विशेष सूचनाका आधारमा होटलमा खान तलासी गर्दा होटलको कोठाको ट्वाइटेलमा लुकाएको अवस्थामा पेस्तोल बरामद गरिएको हो ।
यसबारे अनुसन्धान भइरहेको प्रहरीले बताएको छ ।

कात्तिक २३ गते टीकापुर नगरपालिका १ मा बडुवालको धारिलो हतियार प्रहार गरेर हत्या गरिएको थियो । उनको हत्यामा संलग्न भएको आरोपमा पीडित परिवारले नवीन रावलसहित १६ जनाविरुद्ध किटानी जाहेरी दिएका छन् । उनीहरू मध्येका १० जनालाई प्रहरीले पक्राउ गरिएको छ भने रावलसहितका ६ जना अझै फरार रहेको प्रहरीले जनाएको छ ।