भूकम्पपीडितका लागि प्रधानमन्त्री दैवीप्रकोप सहायता कोषमा ३० लाख सहयोग

काठमाडौं । पर्यटनसँग सम्बन्धित विभिन्न सङ्घसंस्थाले जाजरकोट भूकम्पपीडितका लागि सरकारले सञ्चालन गरेको प्रधानमन्त्री दैवीप्रकोप सहायता कोषमा नगद तथा जिन्सी सामग्री सहयोग गरेका छन् ।

पर्यटनसँग सम्बन्धित विभिन्न सङ्घसंस्थाका अध्यक्ष एवम् पदाधिकारीले आज साँझ प्रधानमन्त्री पुष्पकमल दाहाल ‘प्रचण्ड’लाई भेटेर ३० लाख बराबरको नगद तथा जिन्सी सामग्री सहयोग गरेका हुन् ।

गत कात्तिक १७ गते मध्यरातमा जाजरकोटको रामीडाँडा केन्द्रविन्दु भएर भूकम्प जाँदा जाजरकोट र पश्चिम रुकुममा ठूलो जनधनको क्षति भएको थियो । उक्त भूकम्पपीडित जनताको सहयोगका लागि नगद तथा राहत सामग्री हस्तान्तरण गरिएको टुरिष्ट बस एसोसिएसन अफ नेपाल ९टिवान०का अध्यक्ष कृष्ण आचार्यले जानकारी दिए । उनका अनुसार भूकम्पपीडितका लागि प्रधानमन्त्री दैवीप्रकोप सहायता कोषमा नगद १९ लाख र दुई सय ४० थान ब्ल्याङ्केट र स्टेचर सहयोग गरिएको छ ।

सहयोग कार्यक्रममा होटल एसोसिएसन अफ नेपाल ९हान०का अध्यक्ष विनायक शाह, नेपाल एसोसिएसन टुर एन्ड ट्राभल एजेन्ट्स ९नाट्टा०का अध्यक्ष रमेश थापा, नेपाल एसोसिएसन र्‍याफ्टिङ एजेन्सिज ९नारा०का अध्यक्ष शिव अधिकारी, टिवानका महासचिव मिलन नेपाल, ट्रेकिङ एजेन्सिज एसोसिएसन अफ नेपाल ९टान० का पदाधिकारीलगायतको सहभागिता रहेको थियो ।