रातिदेखि बन्द विपी राजमार्ग खुल्यो

काभ्रे । आइतबाररातिको वर्षापछि आएको बाढीले अवरुद्ध विपी राजमार्ग खुलेको छ ।

विपी राजमार्ग अन्तर्गत रोशी गाउँपालिकाको कालढुंगा र चिउरीबासीमा लेदोसहितको बाढीले राजमार्ग अवरुद्ध भएको थियो । सडकको लेदो हटाएर सडक खुलेको प्रहरीले जनाएको छ ।

कालढुंगामा लेदेले चार वटा गाडी पुरेको थियो । गाडी लेदोमा पुरिए पनि चालक र यात्री सकुशल रहेका जिल्ला प्रहरी कार्यालय काभ्रेका सूचना अधिकारी डिएसपी ढुण्डीराज न्यौपानेले जानकारी दिए ।