विश्व वातावरण दिवसको अवसरमा “बिल्डीङ्ग ड्रिम्स एण्ड फरेष्ट” सिएसआरको पहल अन्तर्गत १५०० रुख रोपियो

काठमाण्डौं, नेपालमा द्यथ्म् को आधिकारिक वितरक साइमेक्स इंक प्रा.लि. ले विश्व वातावरण दिवसको अवसरमा १५०० रुख रोपेको छ । “बिल्डीङ्ग ड्रिम्स एण्ड फरेष्ट” परियोजनाको सहयोगमा बृक्षारोपण अभियान गरिएको हो ।

यो पहल गरेर साइमेक्सले काठमाण्डौंमा वायुप्रदुषणको प्रतिकुल प्रभावलाई कम गर्न प्रयास गरेको छ । “बिल्डीङ्ग ड्रिम्स एण्ड फरेष्ट” अभियानले बृक्षारोपणको लागि मियावाकी प्रविधीको प्रयोग गर्दै समग्रर प्रभावकारी बृक्षारोपणको प्रकृया सुनिश्चित गर्नेछ । यो दृष्टिकोण घना र बिविध खालको रुखहरुको बृक्षारोपण गरि चखण्डोल सामुदायिक वनको समुन्नत विकासको लागि बढावा दिने जनाइएकाे छ ।

कार्यक्रमा वन तथा वातावरण मन्त्री डा. वीरेन्द्र प्रसाद महतोले अभियानको सुरुवातको प्रतीकका रुपमा पहिलो बिरुवा रोपेर उद्घााटन
समारोहमा सहभागीता जनाएका थिए ।

साइमेक्स इंकले विश्व वातावरण दिवसको उपलक्ष्यमा ग्राहक, पर्यावरणबिध, सरकारी प्रतिनिधी र द्यथ्म् नेपालको सम्मानित ब्राण्ड एम्बेसडर हरिवंश आचार्य जस्ता प्रमुख व्यक्तिहरुलाई पनि निमन्त्रणा गरेको थियो ।

वातावरण संरक्षणमा साझा समर्पणको प्रतिनिधित्व गर्ने करिब २०० रुखको औपचारिक रोपण गरि कार्यक्रमको समापन भएको थियो भने बाँकी १३०० रुखहरु आगामी १५ दिन भित्रमा रोप्ने तालिका रहेको छ ।