बुद्धभुमि नेपाल हाइड्रोपावरको आईपीओमा मागभन्दा बढी आवेदन

काठमाडौं,  १२ असोज –सोमवार देखि सार्वजनिक निष्कासनमा आएको बुद्धभुमि नेपाल हाइड्रोपावर लिमिटेडको आईपीओमा दोस्रो दिन मंगलवारसम्म १० लाख ९० हजार ३३३ जनाले आवेदन दिएका छन् । सिडिएस एण्ड क्लियरिङ्ग लिमिटेडको अनुसार मंगलवार साझ ५ः३० बजेसम्म यी आवेदकहरुबाट १ करोड ४१ लाख ५० हजार ५५० कित्ताका लागि आवेदन परेको हो ।

कम्पनीले सर्वसाधारणमा कुल रू। ८ करोड बराबरको ८ लाख कित्ता आईपीओ विक्री गर्न लागेको हो । कुल कित्तामध्य २ प्रतिशत दरको १६ हजार कित्ता कर्मचारीहरुका लागि र ५ प्रतिशत दरको ४० हजार कित्ता सामूहिक लगानीकोषका लागि सुरक्षित गरी बाँकी ७ लाख ४४ हजार कित्ता सार्वजनिक निष्कासनमा आएको हो । दोस्रो दिनसम्म कम्पनीको आईपीओ खरिदका लागि मागभन्दा १९ गुणा बढी आवेदन परेको हो ।

मागभन्दा बढी आवेदन परिसकेकाले यो आईपीओ छिटो अवधि असोज १४ गतेसम्म मात्र विक्रीमा रहनेछ । आईपीओ खरिदका लागि न्यूनतम १० कित्तादेखि अधिकतम ५० हजार कित्तासम्म माग गर्न सकिने व्यवस्था रहेको छ ।