बिहीबार, कात्तिक १२, २०८३
कर्पोरट खबर
7:12 am, बिहीबार, कात्तिक १२, २०८३
काठमाडौं । अन्तर्राष्ट्रिय हेरचाह तथा सहयोग दिवस हरेक वर्ष अक्टोबर २९ मा मनाइन्छ । सन् २०२६ को यस दिवसको नारा ‘मर्यादित काममार्फत दिगो हेरचाह तथा सहयोग प्रणालीको निर्माण’ रहेको छ ।
यस वर्षको दिवसले हेरचाहसम्बन्धी काममा संलग्न श्रमिकको श्रम अधिकार, उचित पारिश्रमिक, कार्यस्थलको सुरक्षा, सामाजिक संरक्षण र सीप विकासमा जोड दिएको छ। पारिश्रमिक पाउने तथा नपाउने दुवै प्रकारका हेरचाहकर्मीको योगदानलाई मान्यता दिनु पनि यसको प्रमुख उद्देश्य हो ।
संयुक्त राष्ट्रसङ्घले हेरचाह तथा घरेलु कामको महत्त्व स्वीकार गर्दै यसको उचित मूल्याङ्कन, जिम्मेवारीको न्यायोचित बाँडफाँट र लैङ्गिक विभेद न्यूनीकरणमा जोड दिएको छ। साथै, अनौपचारिक कामलाई औपचारिक र मर्यादित रोजगारीमा रूपान्तरण गर्दै हेरचाह क्षेत्रमा गुणस्तरीय रोजगारी सिर्जना गर्नुपर्नेमा जोड दिइएको छ ।
यस दिवसले लैङ्गिक समानता, सामाजिक न्याय तथा समाज र अर्थतन्त्रको दिगोपनका लागि समावेशी र सुदृढ हेरचाह प्रणालीमा लगानी गर्नुपर्ने सन्देश दिएको छ ।
