बुधबार, वैशाख २३, २०८३
कर्पोरट खबर
11:39 am, बुधबार, वैशाख २३, २०८३
बुटवल । रुपन्देहीमा क्यासिनोभित्र जुवा खेल्दै गरेका १९ नेपाली नागरिकहरू प्रहरीले पक्राउ गरेको छ।
लुम्बिनी प्रदेश प्रहरी कार्यालय दाङ तथा सम्बन्धित कार्यालयबाट खटिएको संयुक्त टोलीले आकस्मिक अनुगमनका क्रममा जुवा खेलाउने कार्यमा संलग्न ४ जान र जुवा खेलिरहेका १५ जनालाई नियन्त्रणमा लिएको हो।
प्रहरीका अनुसार गएराती सिद्धार्थनगर नगरपालिका–१० स्थित रोयल कालिङ्गा क्यासिनोमा चेकजाँच गर्दा नेपाली नागरिकहरू जुवा खेलिरहेको अवस्थामा फेला परेका थिए । सो क्रममा नगद तथा अन्य सामग्रीसहित उनीहरूलाई पक्राउ गरिएको जनाइएको छ ।
कारबाहीका क्रममा प्रहरीले ९५ हजार ५ सय नगद, विभिन्न कम्पनीका १७ थान मोबाइल सेट तथा २०० थान क्यासिनो सिक्का बरामद गरेको जानकारी दिएको छ ।
यसैगरी, जुवा खेलाउने कार्यमा संलग्न क्यासिनो व्यवस्थापकलाई समेत प्रहरीले नियन्त्रणमा लिएको र घटनाबारे थप अनुसन्धान भइरहेको प्रहरीले जनाएको छ।
