सि.बि.आई.एल. सेक्युरिटिज लिमिटेड को प्रथम बार्षिक साधारण सभा सम्पन्न

काठमाडौं । सिटिजन्स बैंक इन्टरनेसनल लिमिटेड को साहयक कम्पनी सि.बि.आई.एल. सेक्युरिटिज लिमिटेड को प्रथम बार्षिक साधारण सभा सम्पन्न भएको छ ।

हिजो शनिबार सि.बि.आई.एल. सेक्युरिटिज लिमिटेड को कार्यालय परिसर कुपण्डोलमा कम्पनीको संचालक समितिको अध्यक्ष श्री सप्तमान बज्राचार्यको अध्यक्षतामा कार्यक्रम सम्पन्न भएको हो ।

सो साधारण सभाबाट कम्पनीको आर्थिक वर्ष २०७५/७६ देखि आर्थिक वर्ष २०७९/८० सम्मको वासलात, नाफा नोक्सान हिसाब लगायत अन्य वित्तीय विवरण स्विकृत भएको छ ।

साथै कम्पनीको संचालक समितिमा चार जना संचालकहरु श्री रामधन श्रेष्ठ, श्री सप्तमान बज्राचार्य, श्रीमति सिजु शाक्य, र श्री सृजेश ज्ञवाली निर्विरोध निर्वाचित भएका छन् ।

नेपाल धितोपत्र बोर्ड बाट अनुमतिपत्र प्राप्त धितोपत्र दलाल (ब्रोकर नं. ९१) सि.बि.आई.एल. सेक्युरिटिज लिमिटेडले आफ्नो मुख्य कार्यालय ललितपुर–१०, कुपण्डोल बाट आफ्ना ग्राहकहरुलाई धितोपत्र कारोवार सेवा दिदै आईरहेको छ ।

साथै यस कम्पनीले सिटिजन्स बैंक इन्टरनेसनल लिमिटेडका सम्पूर्ण शाखाहरु मार्फत ब्रोकर खाता खोल्ने फाराम भरी पठाउन सक्ने सेवा समेत प्रदान गर्दै आईरहेको छ ।

सिटिजन्स बैंक इन्टरनेसनल लिमिटेडले देशैभरी फैलिएका आफ्ना १९० वटा शाखा, १५१ वटा ए.टि.एम. र ९७ वटा शाखा रहित बैंकिङ्ग ईकाईहरुबाट १७ लाख भन्दा बढी ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।