विज्ञहरुसहित छानबिन समितिको सीसीटीभी फुटेज विश्लेषण गर्न अर्को बैठक सुरु हुँदै

काठमाडौं । अर्थ मन्त्रालयको सीसीटीभी फुटेजमाथि विश्लेषण गर्न संसदीय छानबिन समितिको अर्को बैठक सुरु भएको छ ।

बैठकमा नेपाल प्रहरीको विधिविज्ञान प्रयोगशालाका विज्ञहरु पनि सहभागी रहनेछन् ।

बिहान बसेको समिति बैठकले फुटेजमा देखिएका दृश्यहरु प्रस्ट नभएकाले प्रयोगशालाका विज्ञहरुलाई बोलाउने निर्णय गरेका थिए । सोहीबमोजिम अहिले विज्ञहरुसँग छलफल गर्न लागिएको हो । विज्ञहरु छलफलका लागि सिंहदरबार आइसकेका छन् ।

प्रयोगशालाले अर्थ मन्त्रालयको सीसीटीभीबाट डिलिट भएको फुटेज रिकभर गरेर समितिलाई उपलब्ध गराइसकेको छ । सो फुटेजमा १४ गते रातको दृश्य पनि समावेश छ, जुन दिन अर्थ मन्त्रालयमा बाहिरी व्यक्तिको घुसपैठ भएको भनिएको थियो ।