आजबाट नेकपा एसको केन्द्रीय कमिटी बैठक सुरु

काठमाडौं । नेकपा (एकीकृत समाजवादी) को केन्द्रीय कमिटीको पूर्ण बैठक आज (शनिबार) बाट सुरु हुँने भएको छ । बैठक आइतबारसम्म चल्ने छ ।

शनिबरा केन्द्रीय अनुशासन आयोग, लेखा आयोग र निर्वाचन आयोगका पदाधिकारीलाई शपथ गराइनेछ भने संघीय सरकारका क्रियाकलापका बारेमा पार्टीबाट मन्त्री बनेकाहरुसँग छलफल गरिने छ ।

बैठकमा प्रदेश १ र बागमतीका मुख्यमन्त्रीबाट आगामी कार्ययोजना पेस गर्ने कार्य तालिका रहेको छ । बैठकमा आइतबार केन्द्रीय सचिवालय र कार्यालयबाट भएका कामको अनुमोदन हुनेछ ।