सेन्चुरी कमर्शियल बैंकको शेयर कारोबार फुकुवा

काठमाडाैं । प्रभु बैंकसँग मर्जर प्रक्रियामा रहेको सेन्चुरी कमर्शियल बैंकको शेयर कारोबार फुकुवा भएको छ । नेपाल स्टक एक्सचेन्ज नेप्सेको आज मङ्सिर ११ गतेको निर्णय अनुसार सेन्चुरी बैंकको शेयर कारोबार फुकुवा भएको हो ।

यस सँगै अब सोमबारबाट बैंकको शेयर कारोबार गर्न सकिने भएको छ ।

नेप्सेले आधारभूत शेयरधनी बाहेकका शेयरधनीको शेयर कारोबार फुकुवा गर्ने निर्णय गरेको हो । नेपाल धितोपत्र बोर्डले जारी गरेको ुधितोपत्र दर्ता गराएका संगठित संस्था एकआपसमा गाभ्ने रगाभिने तथा प्राप्ति सम्बन्धी निर्देशिका, २०७९ ु बमोजिम दुवै बैंकको शेयर कारोबार फुकुवा भएको हो ।

यस निर्देशिका अनुसार मर्जर तथा प्राप्तिमा जाने कम्पनीको शेयर कारोबार अधिकतम १५ दिन मात्र रोक्का हुने ब्यबस्था गरिएको छ ।

सोहि ब्यबस्था अनुसार नै मर्जर प्रक्रियामा रहेका साना किसान विकास लघुवित्त, आरएमडिसी लघुवित्त, कुमारी बैंक, मेगा बैंक, इन्भेष्टमेन्ट बैंक, सिभिल बैंकको शेयर कारोबार फुकुवा भईसकेको छ ।