सीएफ मोटोले ल्यायो नयाँ वर्ष अफर ‘वि स्मार्ट राइड स्मार्ट’, नगद देखि थाइल्याण्ड भ्रमण

काठमाडौं ।सीएफ मोटो र जिहो ब्राण्डको नेपालका लागि आधिकारीक वितरक ऋषि ट्रेड सेन्टरले नयाँ वर्ष २०८१ लाई लक्षित गर्दै ‘वि स्मार्ट राइड स्मार्ट’ अफर सार्वजनिक गरेको छ ।  कम्पनीले यही चैत १५ देखि बैशाख ३१ गतेसम्म अफर लागु हुने जानकारी दिएको छ ।

उक्त अफर अन्तर्गत, कम्पनीले आफ्नो जिहो ब्राण्ड रोज्ने र खरिद गर्ने ग्राहकहरुको निम्ती अफर स्वरुप स्क्रयाच गरि रु ८१०० देखि रु. ८१,०००।– सम्म छुट पाउन सकिने र यसका साथै ग्राहकले फ्रि थड पार्टी इन्स्युरेन्स र फ्रि हेलमेट पनि पाउन सक्ने छन् ।

कम्पनीले एक्सचेन्ज गर्न आउने ग्राहकहरुलाई भने सिधै रु. १५,०००।– थप मूल्याकंन, फ्रि थड पार्टी इन्स्युरेन्स र फ्रि हेलमेटको व्यवस्था गरेको छ बताएको छ । यस्तै, एक्सचेन्ज खरिदमा स्क्रयाचको अफर लागु नरहने जानकारी कम्पनीले दिएको छ ।

यसै अफर अन्तर्गत समस्त ग्राहकहरुले कम्पनीले राखेको बम्पर अफरमा भने सम्मान रुपमा सहभागिता जनाउन पाउन सक्ने छन् । जसमा १ जना भाग्यशाली विजेताले कम्पनीको तर्पmबाट ४ रातर५ दिनको थाइल्याण्ड भ्रमणको प्याकेज पाउन सक्नेछन् ।

जिहो एर्इ ६ प्लसमा २.५ किलोवाट साइड माउन्टेड मोटरद्वारा सञ्चालित छ । यसले ५.५ किलोवाटको अधिकतम पावर र १६० एनएमको टर्क उत्पन्न गर्छ । यसको टप स्पिड ८० किलोमिटर प्रति घण्टा छ । सो बाइक ४.६ सेकेन्डमा ० देखि ५० किलोमिटर प्रति घण्टाको गति लिन्छ । सो बाइक फुल चार्जमा ७० देखि ९० किलोमिटर रेन्ज प्रदान गर्छ ।

एर्इ ६ प्लसको ह्विलवेस १२६० एमएम, सिटहाइट ७३५ एमएम, ग्राउण्ड क्लियरेन्स १३० एमएम, ह्विल पावर १६० एनएम र बाइकको तौल ९६ किलोग्राम छ ।