कर्पोरट खबर
1:45 pm, बिहीबार, फाल्गुन २४, २०८०
काठमाडौं । आजदेखि काठमाडौंमो भृकुटीमण्डपमा ‘नेपाल चेम्बर एक्स्पो २०२४’ सुरू भएको छ ।
नवनियुक्त श्रम, रोजगार तथा सामाजिक सुरक्षामन्त्री डोलप्रसाद (डीपी) अर्यालले एक्सपो उद्घाटन गरे ।
स्थानीय उत्पादन प्रवर्द्धन एवम् बजारीकरण तथा व्यापार अभिवृद्धि गर्ने उद्देश्यले आजदेखि सुरू भएको मेला आगामी २८ गतेसम्म चल्ने छ ।
एक्स्पोमा घर–जग्गा व्यवसायी, हस्तकलाका वस्तु, खाद्य एवम् पेय पदार्थ, पहिरन, पाठ्यपुस्तक, सवारी साधन, निर्माण सामग्री, साना तथा घरेलु उद्योगका उत्पादन, विद्युतीय उपकरण तथा अन्य उपभोग्य सामग्रीहरू प्रदर्शनमा रहने छन् ।
यस्तै, नेपाल ल्यान्ड एन्ड हाउजिङ डेभलपर्स एसोसिएसन (एनएलएचडीए) ले साना तथा ठूला घरजग्गा व्यवसायी र खरिदकर्ता तथा बिक्रेतालाई लक्षित गर्दै पाँच वटा स्टल उपलब्ध गराउने छ । एक्स्पोमा, अवलोकनकर्ताहरूले प्रदर्शनमा राखिएका प्लटिङ, हाउजिङ, भिल्लाहरूको बारेमा जानकारी लिन सक्ने छन् ।
उद्योग वाणिज्य तथा आपूर्ति मन्त्रालय अन्तर्गतको व्यापार तथा निकासी प्रवर्द्धन केन्द्रसँगको सहकार्यमा चेम्बर एक्स्पो सुरू भएको हो । एक्स्पोमा राष्ट्रिय तथा अन्तर्राष्ट्रिय कम्पनीका १६० भन्दा बढी स्टल रहेका छन् ।
एक्सपोमा नेपाल, भारत, दक्षिण कोरिया, बंगलादेश पाकिस्तान लगायतका व्यापारीले सहभागिता जनाएका छन् ।
FACEBOOK COMMENTS