छाया सेन्टरको विरोध गर्ने २५ जना पक्राउ

काठमाडौं । काठमाडौंको ठमेलमा रहेको छाया सेन्टरमा विरोध गर्न पुगेका २५ जनालाई प्रहरीले नियन्त्रणमा लिएको छ ।

छाया सेन्टरमा रहेको जग्गाको विषयलाई लिएर स्थानीयले विरोध जनाइ रहेका छन् । शनिबार पनि त्यसको विरोध गर्न पुगेका २५ जनालाई प्रहरीले नियन्त्रणमा लिएको हो । प्रहरीले नियन्त्रमा लिएका २५ जनामा २३ जना पुरुष र २ जना महिला रहेका छन् ।

प्रहरीले नियन्त्रणमा लिएका २५ जनामा १६ जना महानगरीय प्रहरी प्रभाव दरबारमार्ग र ९ जना सोह्रखुट्टेमा रहेमा छन् ।

दरबार मार्गमा रहेका १६ मध्ये महिला १ पुरुष १५ रहेका छन् भने सोह्रखुट्टेमा रहेका ९ जनामा महिला १ पुरुष ८ रहेको प्रहरीले जनाएको छ ।