सिटिजन्स बैंकले यसरी पूरा गर्छ तपाईंको आफ्नै घर किन्ने सपना ! कस्तो छ होम लोन योजना ?

काठमाडौं । सिटिजन्स इन्टरनेशनल बैंक लिमिटेडले वार्षिक १०.९९ प्रतिशत स्थिर ब्याजदरमा ब्याजदरमा होम लोन उपलब्ध गराउँदै आएको छ ।

जहाँ एक पटक घर कर्जा लिइसकेपछि ७ वर्षसम्म ढुक्क भएर ब्याजदर बढ्ने चिन्ता नै लिनुपर्दैन ।

सिटिजन्स बैंकको होम लोनमा ग्राहकहरूले २ करोड देखि ५ करोड रुपैयाँसम्मको घर कर्जा विना कुनै झन्झट लिन सक्नेछन् । भने, प्रत्येक महिना समान ईएमआई (किस्ता) मा ग्राहकले सजिलै घर कर्जा लिन सक्नेछन् ।

‘सपनाको घरलाई दिनुहोस् आकार सिटिजन्स घर कर्जाले पार्नेछ सपना साकार’ भन्ने अभियानका साथ अगाडि बढिरहेको बैंकले वार्षिक १०.९९ प्रतिशत स्थिर ब्याजदरमा घर कर्जा प्रदान गरिरहेको हो ।

जसमा ग्राहकहरूले आवासका निम्ति जग्गा खरिद/घर निर्माण, अपार्टमेन्ट खरिद, मर्मत सम्भार तथा विस्तार तथा रि–फाइनान्स समेतको लागि विभिन्न प्रकृतिका घर कर्जा सुविधा प्रदान गरिएको छ ।

बैंकको नयाँ घर कर्जामा ग्राहकहरूले ५ करोड रुपैयाँसम्मको कर्जा समान मासिक किस्ता बन्दी (ईएमआई) मा लिन सकिने छन् । जसको कर्जा २५ वर्षसम्ममा चुक्ता गरिसक्नु पर्नेछ । ५ करोड सम्मको कर्जामा धितो सुरक्षण मूल्यको अधिकतम ५० प्रतिशतसम्म कर्जा लिन सक्ने बैंकले जनाएको छ ।

कसरी लिने सिटिजन्स बैंकको ‘होम लोन’ ?

नेपाली नागरिक जसको नियमित आयस्रोत अथवा जागिर भएको हुनुपर्छ । स्वरोजगार व्यक्तिको हकमा, व्यापार/व्यवसाय कम्तीमा २ वर्ष देखि सञ्चालनमा रहेको हुनुपर्छ ।
ऋणीले धितो राख्ने घर/जग्गा मोटर बाटोको पहुँचमा हुनुपर्छ ।

यस्तै, आवेदकको न्यूनतम उमेर १८ वर्ष र कर्जा समाप्तिको अवधिसम्म अधिकतम उमेर ६५ वर्ष ननाघेको हुनुपर्छ भने आवेदक वा निजको सगोलको परिवारको सम्पत्तिबाहेक अन्य तेस्रो पक्षको धितो सुरक्षण मान्य हुँदैन ।

यस्तो छ मासिक किस्ताको व्यवस्था

ग्राहकले डेढ करोड रुपैयाँ घर कर्जा ७ वर्षे अवधिको हुँदा प्रत्येक महिना २ लाख ५७ हजार ईएमआई (किस्ता) हुन्छ । जहाँ ७ वर्षभन्दा बढी अवधिको कर्जामा कर्जाको ईएमआई कम हुन्छ । तर, ग्राहकलाई छोटो अवधिको कर्जामा बढी लाभ हुने देखिन्छ ।

ग्राहकहरूले बैंकका आवश्यक कागजात पुरा गरेर हप्ता दिनभित्र घर कर्जा लिन सकिने बैंकले जनाएको छ । यसअघि पनि बैंकले उपलब्ध गराउँदै आएको कर्जामा ग्राहकहरूले सन्तुष्टि जनाउँदै आएको बैंकको दाबी छ ।