सिटिजन्स बैंकद्वारा लुम्बिनी र कर्णाली प्रदेशमा वृक्षरोपण

काठमाडौं । सिटिजन्स बैंकले लुम्बिनी प्रदेशको तिलोत्तमा नगरपालिकास्थित वनबाटिका र कर्णाली प्रदेशको वीरेन्द्रनगरस्थित भाइराम सामुदायिक वनमा बृहत् वृक्षरोपण गरेको छ ।

आफ्नो संस्थागत सामाजिक उत्तरदायित्वअन्तर्गत बैंकले आज बुधबार विभिन्न प्रजातिका गरी वनबाटिकामा करिब १०५ र भाइराम सामुदायिक वनमा १०० भन्दा बिरुवा रोपेको हो ।

बैंकले यसअघि देशका विभिन्न स्थानहरूमा स्वास्थ्य शिविर सञ्चालन, समुदायिक विद्यालय एवम् मठमन्दिरहरूमा सहयोग गरेको थियो ।

हालसालै मात्र विश्वकै प्रतिष्ठित अवार्ड ‘बैंक अफ द इयर २०२४’ को उपाधि प्राप्त गर्न सफल भएको बैंकले केही समयअघि मात्र फोनपेसँगको सहकार्यमा नेपालमै पहिलो पटक ‘सिटिजन्स फोनपे क्रेडिट कार्ड (भर्चुअल क्रेडिट कार्ड)’ सञ्चालनमा ल्याएको छ ।

साथै, मोबाइल बैंकिङ एपमार्फत नै शेयर आवेदन र सीआरएन नम्बर सेवा लिन सकिने कस बैंक टेलरको व्यवस्था गरिएको छ । यसमार्फत अन्य बैंकका ग्राहकले सिटिजन्स बैंकको शाखाबाट टेलर क्यूआर स्क्यान गरी नगद प्राप्त गर्न सक्छन् ।

सिटिजन्स बैंक इन्टरनेशनलले देशका ६१ जिल्लामा फैलिएका आफ्ना २०० वटा शाखा, १६८ वटा एटीएम, ३ विस्तारित काउन्टर र ७४ वटा शाखारहित बैंकिङ इकाइहरूबाट १९ लाखभन्दा बढी ग्राहकलाई आधुनिक बैंकिङ सेवाहरू प्रदान गर्दै आएको छ ।