सिटिजन्स बैंकबाट रेमिट्यान्स पठाउँदा थप सुविधा पाइन्छ : विष्णुमान श्रेष्ठ (अन्तर्वार्ता)

पछिल्लो समय वैदेशिक रोजगारमा जानेको संख्या बढ्दो छ । रोजगारदाताले आफ्नो देशमा पठाउने रेमिट्यान्स बैंक तथा वित्तीय संस्थामार्फत पठाउने गर्दछन् । विभिन्न बैंक तथा वित्तीय संस्थामध्ये सिटिजन्स बैंक पनि एक हो ।

सिटिजन्स बैंक इन्टरनेशनल लिमिटेडले देशैभरि ६० जिल्लामा फैलिएका आफ्ना १९७ वटा शाखा, १६२ वटा एटीएम, ३ विस्तारित काउन्टर र ७४ वटा शाखा रहित बैंकिङ इकाइहरूबाट १८ लाखभन्दा बढी ग्राहकलाई आधुनिक बैंकिङ सेवाहरू प्रदान गर्दै आएको छ । बैंक ले आफ्ना सेवाग्राहीका लागि वैदेशिक रोजगारीमा गएका नेपालीहरूलाई सहजै रकम पठाउने र नेपालमा रहेका आफन्तले सहजै पाउने व्यवस्थालाई निकै ध्यान दिएको छ ।

रेमिट्यान्समा बैंकले दिने सेवा र अबको रणनीतिका सन्दर्भमा केन्द्रित रहेर सिटिजन्स बैंकका रेमिट्यान्स विभाग प्रमुख विष्णुमान श्रेष्ठसँग गरिएको संक्षिप्त कुराकारानीको अंश :

पछिल्लो समय सबैभन्दा बढी रेमिट्यान्स पठाउने नेपालीहरू कुन-कुन देशमा छन् ?

वैदेशिक रोजगारीमा गएकामध्ये सबैभन्दा धेरै नेपाली खाडी मुलुकहरू यूएई, कतार, साउदी र मलेसियालगायत देशमा देशमा छन्, त्यहाँबाट रेमिट्यान्स बढी आउने गर्दछ ।

सिटिजन्स बैंकको सेवा कुन-कुन देशमा उपलब्ध छ ?

यस बैंकले खाडी मुलुकहरू, युरोपका विभिन्न देश, अष्ट्रेलिया, अमेरिकालगायतबाट सेवा दिइरहेको छ ।

धेरै नेपाली यूएई छन्, बैंकले हालसम्म कतिवटा रेमिट्यान्स कम्पनीसँग यूएईमा सम्झौता गरेको छ ?

बैंकले हालसम्म यूएईमा पाँचवटा कम्पनीसँग सम्झौता गरेको छ । जसमा अल­दहककब एक्सचेन्ज, अल­अहलिया एक्सचेन्ज, अल­अन्सारी एक्सचेन्ज, अल्फा एक्सचेन्ज, रेधा अल­अन्सारी एक्सचेन्ज रहेका छन् ।

विदेशबाट सिटिजन्स रेमिट्यान्सबाट पठाएको रकम कसरी प्राप्त गर्न सकिन्छ ?

विदेशबाट पठाएको रकम ग्राहकले सजिलैसँगै बैंकका विभिन्न ब्रान्च, बैंकका २०,००० भन्दा बढी एजेन्टबाट पाउन सक्नुकासाथै मोबाइल बैंकिङ र विभिन्न वालेटबाट पनि पाउन सकिन्छ । साथै ग्राहकको एकाउण्ट डिपोजिट कारोबार २४सै घण्टा सातै दिन क्रेडिट गरिन्छ ।

रेमिट्यान्स पठाउन ग्राहकको रोजाइमा सिटिजन्स बैंक नै पर्नुको कारण के हुन सक्छ ?

ग्राहकको रोजाइमा सिटिजन्स बैंक पर्नुको कारण भनेको बैंकले दिने चुस्त सेवा नै हो । अर्कातर्फ रेमिट्यान्स रकम पठाउने र पाउने हकमा सातै दिन कुनै अवरोध छैन । जुनसुकै माध्यमबाट आएको रेमिट्यान्स पनि यस बैंकबाट प्राप्त गर्न सकिन्छ ।

के रेमिट्यान्स पठाउँदा ग्राहकहरूले थप सुविधा पाउँछन् ?

सिटिजन्स बैंकबाट रेमिट्यान्स पठाउँदा र प्राप्त गर्दा बैंकले प्रदान गर्ने विभिन्न डिजिटल सेवादेखि अन्य सेवाहरू पनि पाउन सकिन्छ । यस बैंकमा खाता खोलेपछि रेमिट्यान्स खातामा उच्च ब्याचदर, थप एक प्रतिशत ब्याज प्राप्त गर्न सकिने छ । साथै, रेमिट्यान्स खाता, डिम्याट खातालगायत खाता खोल्न पनि सकिन्छ ।