बुधबार, असोज २९, २०८२
कर्पोरट खबर
3:16 pm, बुधबार, असोज २९, २०८२
काठमाडौं । नेकपा एमालेको बुधबार बसेको केन्द्रीय कमिटी बैठकमा हो–हल्ला भएको छ ।
महासचिव शंकर पोखरेलले केन्द्रीय सदस्यहरूबाट धारणा राख्न सुरू गर्ने बताएपछि वरिष्ठ उपाध्यक्ष ईश्वर पोखरेलले असहमति जनाएका थिए ।
सचिवालयबाट बोल्न सुरू गर्नुपर्ने उनको भनाइ थियो । त्यसपछि केही केन्द्रीय सदस्यहरूले पोखरेलका कुरामा साथ दिए ।
सचिवालय सदस्यहरूका कुरा सुन्न नपाएको भन्दै उनीहरूले सचिवालयबाट बोल्न सुरू गरे पनि हुने बताएका थिए ।
केन्द्रीय सदस्यहरूलाई बोल्न ३ मिनेटका दरले समय दिने तयारी एमालेले गरेको छ । बैठकमा अध्यक्ष केपी शर्मा ओलीले राजनीतिक प्रतिवेदन पेस गरेका छन् ।
उक्त प्रतिवेदनमा केन्द्रित रहेर सदस्यहरूले धारणा राख्नेछन्।
FACEBOOK COMMENTS