महारानी एलिजाबेथ द्वितीयाको निधनप्रति पूर्वराजा ज्ञानेन्द्रद्वारा दुःख व्यक्त 

काठमाडौँ । पूर्वराजा ज्ञानेन्द्र शाहले बेलायतकी महारानी एलिजाबेथ द्वितीयाको निधनप्रति दुःख व्यक्त गरेका छन् ।

 उनले आज शुक्रबार दिनुभएको शोक सन्देशमा महारानी एलिजाबेथले आफ्नो शासनकालमा शालीन र उच्च राजकीय मूल्य निर्वाह गर्नुभएको स्मरणीय छ भनेका छन् ।

 पूर्वराजा ज्ञानेन्द्रले महारानीप्रति श्रद्धाञ्जली अर्पण गर्दै शोकसन्तप्त राजपरिवार, बेलायती सरकार एवं जनताप्रति समवेदन प्रकट गरेका छन् ।