ग्लोबल आइएमई लघुवित्तद्धारा वित्तीय साक्षरता कार्यक्रम सञ्चालन

काठमाडौं । ग्लोबल आइएमई लघुवित्त वित्तीय संस्थाले प्रदेश नं. १, २ र ५ अन्र्तगत रहेको ३८ वटा शाखाहरुमा वित्तीय साक्षरता कार्यक्रम सञ्चालन गरिरहेको छ । यही पौष २ गतेदेखि प्रदेश नं २ को पर्सा जिल्ला स्थित पोखरीया शाखा र प्रदेश नं. ५ को रामपुर शाखाबाट कार्यक्रम शुरुवात गरिएको विभागीय प्रमुख सुदिप आचार्यले जानकारी दिएका छन् ।

कार्यक्रममा प्रत्येक शाखामा उत्कृष्ट केन्द्र सञ्चालन गर्ने ७ वटा केन्द्र प्रमुखहरुलाई सम्मान तथा पुरस्कार वितरण गरिनुका साथै वित्तीय संस्थाबाट कर्जा लिई व्यावशाय सञ्चालन गर्दै सफल हुनुभएका सदस्यहरुलाई समेत सम्मान गरिएको थियो ।

कार्यक्रममा बचत के हो ? कर्जा सदुपयोग कसरी गर्ने ? पारीवारिक बजेट कसरी बनाउने ? र्बैक वित्तीय संस्थाबाट आर्थिक कारोबार गर्दा के फाइदा हुन्छ ? नोट किन सफा राख्नुपर्छ भन्ने जस्ता विषयमा स्थानीय भाषामा प्रस्तुतिकरण गरिएको थियो ।

उक्त कार्यक्रममा वित्तीय संस्थाका प्रबन्धक दिवसराज ओली, अनुगमन अधिकृत सिताराम महतो तथा प्रकास लामिछानेले सहजीकरण गरेका थिए प्रत्येक शाखाहरुमा कम्तिमा ६५ जना सदस्यहरु तथा अभिभावकहरुको सहभागीता रहेको जनाइएको छ ।