शनिबार, असोज २५, २०८२
कर्पोरट खबर
7:41 pm, शनिबार, असोज २५, २०८२
काठमाडौं । नेपाली कांग्रेसले केन्द्रीय समितिको बैठक दुई दिन पछि सारेको छ । आइतबार असोज २६ का लागि बोलाइएको बैठक असोज २८ मा हुने बताइएको छ ।
कार्यसम्पादन समितिको बैठक जारी रहेकाले केन्द्रीय समितिको बैठकको मिति सारिएको प्रवक्ता डा। प्रकाश शरण महत्तले जानकारी दिएका छन् ।
कार्यसम्पादन समितिका सदस्यहरूको बोल्ने क्रम सकिएको तर केन्द्रीय समितिमा पेश गर्ने एजेण्डा तय नभएकाले आइतबार पनि कार्यसम्पादन समितिको बैठक बस्ने भएको छ । बुधबारदेखि बोलाइएको शीर्ष नेताको बैठकमा शुक्रबारदेखि कार्यसम्पादन समितिका सदस्यहरू पनि सामेल गराइएको थियो ।
कांग्रेसमा जेनजी आन्दोलनपछि महाधिवेशन गरेर नेतृत्व परिवर्तन गर्नुपर्ने आवाज उठिरहेको छ । महाधिवेशन प्रतिनिधिहरुले हस्ताक्षर अभियान चलाएर विशेष महाधिवेशनको माग समेत गरिरहेको अवस्थामा यस बैठकले महाधिवेशन बारे ठोस निर्णय गर्ने बताइएको छ ।
FACEBOOK COMMENTS