कांग्रेसको मतगणना जारी : २७७७ मत गन्दा देउवा १३१८, शेखरको १०२३ मत

काठमाडौं । नेपाली कांग्रेसको सभापतिका लागि भएको निर्वाचनमा शेरबहादुर देउवाको अग्रता कायमै रहेको छ ।

नेपाली कांग्रेसको सभापति पदको मतगणनामा शेरबहादुर देउवा अगाडि छन् । अहिलेसम्म २७ सय ७७ मत गनिएको छ । जसमा शेरबहादुर देउवाले १३१८ मत, शेखर कोइरालाले १०२३ मत, प्रकाशमान सिंहले २०५, बिमलेन्द्र निधिले १६६ मत र कल्याण गुरुङले १२ मत पाएका छन् ।

कांग्रेसको १४औं महाधिवेशनमा नयाँ नेतृत्व चयनका लागि भएको मतदानमा ४ हजार ६७९ मत खसेको थियो । कांग्रेसको विधानमा सभापतिका लागि कुल खसेको मतको बहुमत ल्याउनुपर्छ । ४ हजार ६७९ मत खसेकोमा २३४० मत भए सभापति बन्न सकिन्छ । त्यती मत नआए धेरै मत ल्याउने दुई उम्मेदवारबीच चुनावी प्रतिस्पर्धा हुनेछ ।