पछिल्लो २४ घण्टामा २८० जना कोरोना संक्रमित थपिए

काठमाडौँ । पछिल्लो २४ घण्टामा २८० जना कोरोना संक्रमित थपिएका छन्। देशभर गरिएको ९ हजार १६८ पीसीआर र ३ हजार ६ जनाको एन्टीजेन परीक्षणका क्रममा २८० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

पीसीआर र एन्टीजेन गरी कुल संक्रमितको संख्या ९ लाख १९ हजार ४४ जना पुगेको छ। कुल संक्रमितमध्ये ६ हजार ३५२ जना सक्रिय संक्रमित छन्। गत २४ घण्टामा ३७७ जना संक्रमित निको भएका छन्। यो सँगै देशभर निको हुनेको संख्या ८ लाख ५ हजार ५७१ पुगेको छ। उक्त अवधिमा २ जना संक्रमितको मृत्यु भएको मन्त्रालयले जनाएको छ।

हालसम्म कोरोना संक्रमणबाट मृत्यु हुनेको संख्या ११ हजार ५४७ पुगेको छ। हाल ९५ जना क्वारेन्टाइनमा छन्। १२३ जना आइसीयू र ३० जना भेन्टिलेटरमा रहेको मन्त्रालयले जनाएको छ।

पछिल्लाे २४ घण्टामा देशभर २ लाख ८३ हजार १३२ जनाले काेराेना विरुद्धकाे खाेप लगाएका छन्।