थप २५४ जनामा कोरोना संक्रमण पुष्टि, १ जनाको मृत्यु

काठमाडौं – पछिल्लो २४ घण्टामा २५४ जना कोरोना संक्रमित थपिएका छन्। देशभर गरिएको ६ हजार २६८ पीसीआर र २ हजार ४१४ जनाको एन्टीजेन परीक्षणका क्रममा २५४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

पीसीआर र एन्टीजेन गरी कुल संक्रमितको संख्या ९ लाख २० हजार ४ जना पुगेको छ। कुल संक्रमितमध्ये ५ हजार ८९०  सक्रिय संक्रमित छन्। गत २४ घण्टामा २५४ जना संक्रमित निको भएका छन्। यो सँगै देशभर निको हुनेको संख्या ८ लाख ६ हजार ७७८ पुगेको छ। उक्त अवधिमा १ जना संक्रमितको मृत्यु भएको मन्त्रालयले जनाएको छ।

हालसम्म कोरोना संक्रमणबाट मृत्यु हुनेको संख्या ११ हजार ५५३ पुगेको छ। हाल ९५ जना क्वारेन्टाइनमा छन्। ११८ जना आइसीयू र ३४ जना भेन्टिलेटरमा रहेको मन्त्रालयले जनाएको छ।

पछिल्लाे २४ घण्टामा देशभर ६९ हजार ५८० जनाले काेराेना विरुद्धकाे खाेप लगाएका छन्।