थप २८ जनामा कोरोना संक्रमण

काठमाडौं । पछिल्लो २४ घण्टामा नेपालमा २८ जना नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा २६ जना र एन्टिजेन परिक्षण गर्दा २ जना गरी २८ नयाँ संक्रमित थपिएका हुन् ।

त्यस्तै, पछिल्लो २४ घण्टामा कोरोना संक्रमति भन्दा निको हुने थोरै रहेका छन् । यस अवधिमा १८ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.७ प्रतिशत रहेको छ । त्यस्तै, पछिल्लो २४ घण्टामा मृतकको संख्या शुन्य रहेको छ । हालसम्म नेपालमा कोरोना संक्रमणबाट १२ हजार १९ जनाको मृत्यु भइसकेको छ ।

पछिल्लो २४ घण्टामा एक हजार ८७९ जनाले कोरोना परिक्षण गरेका थिए भने खोप लगाउनेको संख्या २६ हजार ५३८ रहेको छ । हाल सक्रिय संक्रमितको संख्या ५७० जना रहेका छन् ।