१३६ जनामा कोरोना संक्रमण देखियो

काठमाडौं । पछिल्लो २४ घण्टामा थप १३६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १९७ जनाको पीसीआर परीक्षण गर्दा ३४ जना र १ हजार २२७ जनाको एन्टीजेन परीक्षण गर्दा १०२ सहित १३६ जनामा कोरोना संक्रमण पुष्टि भएको हो ।

पछिल्लो २४ घण्टामा ६८ जनामा कोरोना संक्रमण मुक्त भएका छन् भने ४०१ जना सक्रिय संक्रमित रहेका छन् । हाल ३२ जना संस्थागत आइशोलेशन, ११ जना आइसियु र ३ जनाको भेन्टीलेटरमा उपचार भइरहेको छ ।