पछिल्लो २४ घण्टामा १५ जनामा कोरोना संक्रमण पुष्टि, निको हुने दर ९८ प्रतिशत

काठमाडौं । पछिल्लो २४ घण्टामा देशभर १५ जनामा कोरोना भाइरसको सङ्क्रमण पुष्टि भएको छ। स्वास्थ्य तथा जनसङ्ख्या मन्त्रालयका अनुसार तीन हजार चार सय ५३ जनामा कोरोना परीक्षण गर्दा १५ जनामा सङ्क्रमण देखिएको हो।

हाल सङ्क्रमितको सङ्ख्या २ सय १५ रहेको स्वास्थ्य तथा जनसंख्या मन्त्रालयले जनाएको छ। पछिल्लो समय १७ जना कोरोनाबाट निको भएर घर फर्किएका छन् भने निको हुनेको सङ्ख्या नौ लाख ६६ हजार ७ सय ४७ पुगेको छ।

नेपालमा कोरोना भाइरसको संक्रमण्बाट मुक्त हुनेका दर ९८.८ प्रतिशत रहेको मन्त्रालयले जनाएको छ । आज सङ्क्रमणबाट कसैको पनि निधन भएको छैन । शून्य सङ्क्रमित जिल्ला ३० पुगेका छन्।