५१३ जनालाई कोरोना संक्रमण, सबैभन्दा बढी काठमाडौंमा

काठमाडौं । देशभर थप पाँच सय १३ जनालाई कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका अनुसार शनिबार थप पाँच सय १३ जनालाई संक्रमण पुष्टि भएको छ ।

२४ घण्टामा ६ हजार ९ सय ३१ जनालाई परीक्षण गर्दा पाँच सय १३ जना संक्रमित थपिएका हुन् । मन्त्रालयका अनुसार काठमाडौं उपत्यकामा २१३ जना संक्रमित थपिएका छन् भने काठमाडौंमा मात्रै १५०, ललितपुरमा ३९ र भक्तपुरमा २४ जना संक्रमित भेटिएको छ ।

मन्त्रालयका अनुसार चार हजार ९७२ जनाको पिसिआर परीक्षण र १९५९ जनाको एन्टिजेन परीक्षण गरिएको थियो । नेपालमा हाल १० हजार ५५९ जना सक्रिय संक्रमित छन् । पछिल्लो २४ घण्टामा कोरोना भाइरसको संक्रमणबाट ८ जनाको मृत्यु भएको छ। योसँगै मृत्यु हुनेको संख्या ११ हजार ३४५ पुगेको छ । यस्तै ८१७ जनाले कोरोनालाई जितेका छन् ।