कर्पोरेट बिजनेस अवार्डको तयारी सुरू

काठमाडाैं । नेपालको प्रतिष्ठित ‘कर्पोरेट बिजनेस अवार्ड’ कार्यक्रमको १७औं संस्करणको तयारी सुरू भएको छ ।

यो अवार्ड कार्यक्रम कर्पोरेट म्यागजिन र नेपाल चेम्बर अफ कमर्सका पूर्वअध्यक्ष स्व. ईश्वरलाल श्रेष्ठको नाममा स्थापना गरिएको ईश्वरलाल प्रतिष्ठानको सहकार्यमा आयोजना हुँदै आएको छ ।

यस कार्यक्रमले व्यावसायिक क्षेत्रमा विशेष योगदान पुर्‍याउने व्यक्तिहरूलाई सम्मान गर्दै आएको छ । १६ वर्षदेखि नियमित आयोजना हुँदै आएको यस अवार्डले चुनौतीपूर्ण समयहरूमा पनि आफ्नो निरन्तरता कायम राख्दै व्यावसायिक समुदायलाई प्रेरित गर्ने भूमिका खेल्दै आएको छ ।

कार्यक्रमको सभापतित्व र निर्णायक मण्डलको नेतृत्व नेपाल उद्योग वाणिज्य महासंघकी पूर्वअध्यक्ष भवानी राणाले गरिरहेकी छन् । यो नेतृत्वले कार्यक्रमको महत्वलाई थप उचाइ दिएको छ ।

अवार्ड कार्यक्रमले नेपाली व्यावसायिक क्षेत्रको उन्नतिमा योगदान पुर्‍याउने अपेक्षा आयोजकले गरेको छ ।