एमालेका मन्त्रीहरूले आजै राजीनामा दिने तयारी

काठमाडौं । सत्ता समिकरण बदलिएसँगै नेकपा एमालेका मन्त्रीहरुले आजै राजीनामा दिने भएका छन् ।

नेपाली कांग्रेससँग मिलेर नेकपा एमालेले सरकार गठन गर्ने भएपछि पुष्पकमल दाहाल ‘प्रचण्ड’ नेतृत्वको सरकारमा भएका एमालेका ८ जना मन्त्रीले आजै राजीनामा दिन लागेको बताइएको छ ।

सोमबार मध्यराति एमालेका अध्यक्ष केपी शर्मा ओली र नेपाली काँग्रेसका सभापति शेरबहादुर देउवाबिच नयाँ सरकार गठनका सम्बन्धमा सहमति भएको थियो ।