दराज नेपालको ३.३ मार्च म्याडनेस: अनलाइन किनमेलमा आकर्षक छुट र बचतको अवसर

काठमाडौं । नेपालकै अग्रणी अनलाइन शपिङ प्लेटफर्म दराज नेपालले ३.३ मार्च म्याडनेस क्याम्पेनको घोषणा गरेको छ, जसले उपभोक्ताहरुलाई ठूलो बचत र रोमाञ्चक किनमेल अनुभव प्रदान गर्नेछ।

फागुन १९ देखि २३ सम्म सञ्चालन हुने यो क्याम्पेन अन्तर्गत ग्राहकहरूले ६० प्रतिशत सम्मको छुट, निःशुल्क डेलिभरी, र ५० लाख रुपैयाँ बराबरका भाउचरहरू प्राप्त गर्न सक्नेछन्। साथै, दराजले विभिन्न ब्रान्डहरूमा विशेष छुट तथा दैनिक फ्ल्याश सेल अफरहरू पनि उपलब्ध गराउनेछ।

कम्पनीका अनुसार, ग्राहकहरूले सिताफिल, अइविबी, डा. केयर लगायतका ब्रान्डहरूमा ६० प्रतिशत सम्मको छुट पाउनेछन्। यसका अतिरिक्त, बेस्ट प्राइस ग्यारेन्टी (BPG) कार्यक्रम अन्तर्गत यदि कुनै ग्राहकले सोही उत्पादन नेपालकै अन्य अनलाइन प्लेटफर्ममा सस्तो मूल्यमा फेला पार्छन् भने, दराजले मूल्य अन्तरको दोब्बर रकम फिर्ता गर्नेछ।

निःशुल्क डेलिभरी अफरअन्तर्गत, ग्राहकहरूले न्यूनतम रु. ४९९ को खरिद गर्दा चयनित विक्रेताहरूबाट निःशुल्क डेलिभरी सुविधा प्राप्त गर्न सक्नेछन्। यो सुविधा प्राप्त गर्न, ग्राहकहरूले दराज एपको होमपेजमा रहेको ‘फ्री डेलिभरी’ ब्यानरमा क्लिक गर्नुपर्नेछ।

स्वास्थ्य तथा सौन्दर्य, फेसन, अडियो तथा वेयरेबल्स, फर्निचर, घर सजावट लगायतका विभिन्न उत्पादनहरूमा विशेष अफरहरू उपलब्ध गराइने यस क्याम्पेनमार्फत दराजले उपभोक्ताहरुलाई अझ उत्कृष्ट अनलाइन किनमेल अनुभव प्रदान गर्ने लक्ष्य राखेको छ।

सन् २०१५ मा स्थापना भएको दराज, दक्षिण एसियाकै अग्रणी ई–कमर्स प्लेटफर्ममध्ये एक हो। हाल यसले नेपाल, पाकिस्तान, बंगलादेश, श्रीलंका र म्यानमारमा सेवा प्रदान गरिरहेको छ।