काभ्रेकाे रोशीमा मृत भेटिइन् महिला

काठमाडौं । काभ्रेमा एक जना महिला मृत फेला परेकी छन् ।

रोशी गाउँपालिका-३, भञ्ज्याङ निवासी साइँलाकाजी तामाङकी पत्नी ६६ वर्षीया माइली लामा शुक्रबार साँझ आफ्नै घरको भान्सा कोठामा मृत फेला परेकी प्रहरीले जनाएको छ ।

तामाङ मृत फेला परेको जानकारी प्राप्त हुनासाथ प्रहरी चौकी खहरेपाँगुबाट प्रहरी सहायक निरीक्षक नीलकुमार स्याङ्तानको कमाण्डमा गएको प्रहरी टोलीले घटनाको अनुसन्धान अघि बढाएको छ ।

घटनास्थलमा जिल्ला प्रहरी कार्यालय काभ्रेबाट प्रहरी निरीक्षक दिनेशबहादुर कुँवरको कमाण्डमा पनि प्रहरी टोली पनि गएर अनुसन्धान गरिरहेको जनाइएको छ ।