डढेलोबाट २६ जनाको ज्यान गयो

काठमाडौं । मुलुकभर भएका आगलागी र वन डढेलोका घटनाबाट यो वैशाख महिनामा मात्रै २६ जनाले ज्यान गरमाएका छन् ।

लामो समय सुक्खा खडेरी हुँदा वैशाखमा मात्र देशभर आगलागीका ८६१ र डढेलोका ५७३ घटना भएको र ती घटनामा परी २६ जनाले ज्यान गुमाउनु परेको राष्ट्रिय विपद् जोखिम न्यूनिकरण तथा व्यवस्थापन प्राधिकरणले जनाएको छ ।

आगलागीका घटनामा परी २० जनाको मृत्यु भएको थियो भने ७३ जना घाइते भएका थिए । त्यस्तै डढेलोका घटनामा परी ६ जनाको मृत्यु भएको थियो भने १३ जना घाइते भएका थिए ।

आगलागीबाट एक हजार ३६४ र डढेलोबाट ४०७ घरपरिवार प्रभावित भएका छन् ।