गायक प्रकाश तिमिल्सिनाको निधन

काठमाडौं । गायक प्रकाश तिमिल्सिनाको निधन भएको छ ।

शनिवार साँझ भैँसेपाटी स्थित डेरामा अचेत अवस्थामा फेला परेका उनलाई परिवारका सदस्यले तत्काल पाटन अस्पताल पुर्‍याएका थिए । पछि चिकित्सकले उनलाई मृत घोषित गरेका छन् ।

तिमिल्सीनाको शव आज सङ्गीत तथा नाट्य प्रज्ञाप्रतिष्ठान नक्साल भगवती बहालमा अन्तिम श्रृद्धान्जलीका लागि राखिने बताइएको छ । तिमिल्सिनाको अन्तिम संस्कार आजै पशुपति आर्यघाटमा गरिने परिवार स्रोतले जनाएको छ ।

तिमिल्सिनाका ‘प्रिय तिम्रो सिउँदोमा सिन्दूर भर्न देऊ’, ‘नमान लाज यसरी’, ‘नआए नि हुन्थ्यो’ लगायतका दर्जनौँ गीत रहेका छन् ।