डेंगु संक्रमित १२ हजार नाघे 

 काठमाडौँ । नेपालमा डेंगु सङ्क्रमितको संख्या १२ हजार नाघेको छ ।

 स्वास्थ्य तथा जनसंख्या मन्त्रालयका अनुसार बिहीबारको तथ्याङ्कअनुसार साउनदेखि २९ भदौसम्म १२ हजार दुई सय १७ जना डेंगु संक्रमण पुष्टि भएको छ ।

यस्तै, डेंगु सङ्क्रमणबाट हालसम्म ११ जनाले ज्यान गुमाएका छन् । नेपालमा पहिलो पटक २०६१ सालमा डेँगुका बिरामी फेला परेका थिए । तत्पश्चात नेपालमा डेंगु बर्षेनी देखिएको छ । हाल देशको सात प्रदेशअन्तर्गतका ७५ जिल्लामा डेंगु फैलिएको छ ।