धनगढीका मेयर गोपाल हमालकी छोरी आइन् सम्पर्कमा, स्वास्थ्य अवस्था कमजोर

धनगढी । सोमबारदेखि सम्पर्कविहीन रहेकी धनगढी उपमहानगरपालिकाका मेयर गोपाल हमालकी छोरी आरती हमाल सम्पर्कमा आएकी छिन् ।

भारतको गोवाबाट सम्पर्कविहीन भएकी मेयर हमालकी छोरी सम्पर्कमा आएकी हुन् । उनी भारतको गोवामा एक विदेशी किशोरीसँग रहेको भेटिएको हो । अमेरिकामा बस्ने नेपालीले उनीहरूको तस्बिरसहितको पोस्ट देखेपछि परिवारमा सम्पर्क गरेका हुन् ।

मेयर हमालले फेसबुकमा स्टाटस लेख्दै आफ्नी छोरी सम्पर्कमा आएको जानकारी दिएका हुन् ।

उनले लेखेका छन्, ‘सबैको खोजीको प्रयासले मेरी जेठो छोरी आरती गोवामा सकुशल भेटिएको छ । उनको स्वास्थ्य अवस्था कमजोर रहेको पाइएको छ । खोजी कार्यमा सहयोग गर्नु हुने सम्पूर्णमा हार्दिक धन्यवाद सहित कृतज्ञता व्यक्त गर्दछु ।’

साथै, उनले जेठो छोरी आरती, कान्छी छोरी आर्जु र ज्वाइँ संगै भएको जानकारी समेत दिएका छन् ।

आरती मेयर हमालकी जेठी छोरी हुन् । उनी ओशो साधक हुन् । ओशो ध्यान गर्न उनी केही महिनादेखि गोवामा बस्दै आएकी थिइन् ।

सोमबारदेखि सम्पर्कमा नआएपछि मेयर हमालले खोजी कार्यको लागि सार्वजनिक अपिल गरेका थिए ।

धनगढीका मेयर गोपाल हमालकी छोरी हराएपछि…