धरानमा डिशहोम फाइबरनेट सेवा बिस्तार

काठमाडौं  डिशहोम फाइबरनेट सेवा धरानमा बिस्तार भएको छ। उच्च गतिको इन्टरनेट सेवाको मागलाई मध्यनजर गरी सेवा बिस्तार गरेको डिशहोमले बताएको छ।फाइबरनेटका ग्राहकलाई डिशहोम टिभीको निःशुल्क सदस्यता, निःशुल्क डिशहोम गो एप, एक्सभिओडीलगायतका सेवा उपलब्ध हुने कम्पनीले जनाएको छ।  फाइबरनेटका योजनाहरु १० एमबिपिएसदेखि १०० एमबिपिएस उपलब्ध छन्।

काठमाडौँ, भक्तपुर, ललितपुर, हेटौडा, ईनरुवा, ईटहरी, बर्दिवास, बुटवल, ढल्केबर र विराटनगरमा यसअघि नै डिशहोम फाइबरनेटको सेवा बिस्तार भइसकेको छ। छिट्टै पोखरा, नेपालगञ्ज, धनगढी, बिर्तामोड, जनकपुर, वीरगञ्जलगायत देशमा प्रमुख सहरहरुमा सेवा बिस्तार गर्ने कम्पनीले जनाएको छ।