प्राइम बैंकले लाभांश वितरण नगर्ने

काठमाडौं । प्राइम कमर्सियल बैंक लिमिटेडले लाभांश वितरण नगर्ने भएको छ ।

बैंकको आज बसेको सञ्चालक समिति बैठकले गत आर्थिक वर्षको नाफाबाट सेयरधनीहरुलाई कुनै पनि लाभांश वितरण नगर्ने निर्णय गरेको हो ।

साथै, बैठकले लाभांश वितरण नगर्ने गरी गत आर्थिक वर्षको वित्तीय विवरण स्वीकृतिका लागि नियामक नेपाल राष्ट्र बैंक समक्ष पेश गर्ने निर्णय गरेको हो । प्राइमले आर्थिक वर्ष २०७८/७९ मा ८ दशमलव ९५ प्रतिशत लाभांश वितरण गरेको थियो ।